https://didakteka.santurtzieus.com/index.php?action=history&feed=atom&title=Ikas-materialak_eta_irakaslea 2026-08-18T14:35:15Z Wikiko orri honen berrikuspenen historia MediaWiki 1.24.1 https://didakteka.santurtzieus.com/index.php?title=Ikas-materialak_eta_irakaslea&diff=4961&oldid=prev 2008-01-29T10:07:01Z

<p>New page: {{Ezaugarriak}} Gaur egun, helduen euskalduntzean testu-liburuak erabiltzeko joera handirik ez dugula, neurri handi batean ikas-materialen aukeraketa irakasleak berak egiten duela esan dez...</p> <p><b>Orri berria</b></p><div>{{Ezaugarriak}}<br /> Gaur egun, helduen euskalduntzean testu-liburuak erabiltzeko joera handirik ez dugula, neurri handi batean ikas-materialen aukeraketa irakasleak berak egiten duela esan dezakegu, eskura duen aukera luze-zabal horretatik asko baztertuz eta beste zenbait aukeratuz.<br /> <br /> Ikas-materialak irakaslearen eta ikaslearen arteko zubitzat har ditzakegu. Esan dugunez, ikasgelara eramandako prozedura metodologikoek bat etorri beharko dute ikas-irakaskuntzari buruzko printzipioekin. Horrez gain, gure programan nahikoa modu argian agertu beharko dute esplizitatuta egunez eguneko programazioa eta post-programazioa diseinatzeko irizpideek. <br /> <br /> Kontu horiek guztiak erabakitze-prozesu kontziente baten ondorio besterik ezin dira izan: beharren analisia eta diagnosia egindakoan, irakats-estrategiak diseinatu beharko ditu irakasleak, eta horiekin koherenteak diren tresna didaktikoak aukeratu. Tresna didaktikoen artean ikas-materialak izango ditugu. Erabakiok, jakina, koherentziaren printzipioak gidatu behar ditu. Hartara, atalen batean hartzen dugun erabakiak gainerakoetan izango du eraginik.<br /> <br /> Materialgilea irakaslea bera ez denetan, bereziko hartu beharko du kontuan zein den ikas-material horien izaria. Bestelakoan, ikasgelara begirako helburuen eta ikas-materialaren izariaren arteko kontraesanak sortuko dira. Kontuan hartzeko, ordea, identifikatu egin beharko dira lehenengo. <br /> <br /> Hori dela-eta, hemen azpimarratu nahi dugu behar-beharrezkoa dela erabiltzen edo sortzen ditugun ikas-materialen azterketa eta analisia egitea. Analisi horiek egin ahal izateko baliabideak sortzea eta aplikatzea da egin beharrreko zereginetako bat.<br /> <br /> Analisiaren bitartez, ikas-materialen ezkutuko alderdiak maila kontzientera ekarri behar genituzke. Hausnarketa bultzatzea litzateke helburu nagusia, gehiegi pentsatu gabeko erabaki mordo hori kontzienteki hartu ahal izateko. Besteak beste, gorago aipatutako hirugarren aldian (ikas-materiala inaktibo dagoenekoa) ikas-materiala ez baita ez on ez txar, ikaslearen eskuetan aktibatzen denean eta erabilera jakin bat ematen zaionean hartuko du izaera bat edo beste, ona edo txarra; baina, beti ere, emandako erabilera aztertuta ebaluatu beharko da ikas-materialen egokitasuna testuinguru jakin horretan.<br /> <br /> Izan ere, Ikas-materialen egokitasuna bi parametrok baldintzatzen dute: nolakotasuna eta erabilera. Ikus dezagun beheko eskema (Camacho &amp; Lonbide, 1998):<br /> <br /> [[Irudi:Materialen nolakotasuna.jpg|center]]<br /> <br /> [[Kategoria:Ikas-materialak]]</div>

Abel