«Komunikazioaren hobekuntza helduen euskalduntze-alfabetatzean»: berrikuspenen arteko aldeak

Hauxe da oraingo bertsioa, 10:43, 30 Azaroa 2007 data duena

Sarrera

Hizkuntza Politikarako Sailordetzaren eginkizun nagusia da Euskara Biziberritzeko Plan Nagusia garatzea. Plangintza hori Euskararen Aholku Batzordeak eta aurreko legealdiko Gobernuak onartua da. Horixe da akordio eta partaidetza zabalenean oinarritutako hizkuntza politikaren ardatza. Ildo honi jarraiki, HABEren jarduna, besteak beste, honako puntu hauetan ardazten da:

• Batetik, euskalduntze-alfabetatzeko ekintzabideak erabileraren ingurukoekin uztartu eta arreta berezia jarri euskararen bizitasun soziolinguistikoa indartzeko ezinbestekoak diren gune geografikoetan, giza taldeetan eta gizarte-eremuetan, horiei lehentasun osoa eskainiz eta eperik laburrenan, hizketarako gai diren euskaldunak lortzeko.

• Bestetik, HABE, euskaltegiak, irakasleak eta ikasleen arteko harreman-sarea hobetu, ikasmaterial didaktikoetara heltzeko bidea erraztu eta kudeaketa administratiboa hobetu informazio eta komunikazioko teknologia berriak baliatuz.

Lehenengoari dagokionez, eta didaktikaren ikuspuntutik helduta, euskalduntze-alfabetatzearen berrikuntza sustatzeko asmoz HABEk abian jarri zuen Helduen Euskalduntzearen Oinarrizko Kurrikulua, eta horretan hainbat pausu eman ondoren, indarrean jartzearekin batera areagotu egingo ditu HABEk kurrikuluaren hedapenari begira burutu beharreko ekitaldiak.

Bigarrenari dagokionez, berriz, HABENET izeneko proiektuaz ekin nahi dio HABEk gauzatzeari.

HABENET proiektuak, labur esanda, HABE eta euskaltegien arteko harremanak arintzeko, material didaktikoak guztien eskura jartzeko, kudeaketa errazteko eta ikasleen arteko nahiz irakasleen arteko harreman-sarea sortzeko teknologia berrien erabilera sustatu nahi du. Beraz, arian-arian eta esparru guztietan euskararen irakaskuntzararen kalitatea hobetu dadin, HABE eta euskaltegien arteko harremanetan eta jardueretan HABENET proiektuaren bitartez hainbat zerbitzu eta azpiegitura telematiko garatu eta ezarriko dira.

HABENET proiektua

Oraingo egoera

HABENET proiektua gaur egungo egoera kontuan hartuz bideratuko da. Abiapuntua, beraz, honako ezaugarri hauek zedarritzen dute:

• Matrikulazioaren jarraipenerako aplikazio integrala eta liburutegiaren kudeaketa mekanizatua dagoeneko erabilgarriak izatea.
• Ikasmaterialen kudeaketari dagokionez, teknologia berrien erabilpen urria eta salbuespenetan, honelakorik ematen denean alegia, euskarri teknologikoaren maila eskasa edota urritasuna.
• Komunikaziorako ohiko bideen erabilpena (paperezko euskarriaz bideratutakoak, telefonoa, faxa).
• Informatika aplikatuaren erabilpena, kudeaketa ekonomikoari eta administratiboari dagokienean, batez ere.

Aukera teknologikoak

Honelako abiapuntua izanik, gaur egungo teknologia berriak eskaintzen dizkigun ondorengo aukerez baliatuko da HABE, lortu nahi diren helburuak egingarri izan daitezen:

• Internet teknologiak eta komunikazioko sare zabalen erabilpena
• Didaktika on-line delakoaren arian ariko ezarpena
• Dokumentuen euskarri elektronikoa

Helburuak

Arestian azaldutako abiapuntua eta aukera teknologikoak kontuan hartuz, HABENET proiektuak honako helburu hauek ditu:

• HABEren sare osoan (HABE, euskaltegiak, irakasleak, ikasleak) barruko eta kanpoko komunikazioak hobetzea
• Ikasmaterial didaktikoetara iristeko bidea eta beren homologazioa erraztea
• Autoikaskuntza eta didaktika on-line sistemak garatzea
• Irakasleen etengabeko prestakuntza urrunetik bideratu eta tutore bidez gidatzea
• Kudeaketa administratiboa hobetu eta erraztea

Proiektuaren esparruak

HABENET proiektuaren bidez hobetu nahi diren esparruak bi multzotan kokatzen dira: alde batetik, euskaltegiak; eta bestetik, HABE. Honako hauek lirateke, besteak beste, hobetu beharrekoak:

Euskaltegiak

• Irakasleen arteko komunikazio elektronikoa (arlo didaktikoa)

• Euskara eta didaktika alorretan irakasleentzako laguntza
• Kontsultetarako bidea HABE, euskaltegi eta irakaslearen artean

• Irakasleen prestakuntza

• Heziketarako eskaintza

Irakasleentzako urruneko prestakuntza ikastaro gidatuak

Ikastaroei buruzko informazio eguneratua

• Autoheziketarako eskaintza

Tutore/irakasleekiko interakzioa

Irakasleen prestakuntzan erabilitako materialak eskuragarri izatea

Materialei buruzko informazioa: bibliografia, laburpenak, txostenak.

• Heziketarako lankidetza

Lankidetza bultzatu

HABE, euskaltegi eta irakasleen arteko harremanen bideragarritasuna erraztu

• Ikasmaterialen kudeaketa

• Sarbidea eta katalogazioa

Ikasmaterialak ezagutarazteko eta sarbidea errazteko asmoz datu-basea sortu eta euskarriaren (testua, bideoa, audioa) eta funtzionaltasunaren (maila, arloa, etab.) araberako ikasmaterialak sailkatu

Landu gabeko materialen eskaintza (lehengaiak: irratia, testuak, ipuinak)

Landutako eta esperimentatutako materialak eskuragarri izatea

Material didaktikoen etengabeko berrikuntza

Ikas-unitateen eskaintza, bai HABEren aldetik, bai euskaltegien aldetik

• Ebaluazioa eta hobekuntza

Ikasmaterialen erabilpenari eta ebaluazioari buruzko iritzien bilketa

Euskaltegi eta irakasleen artean esperientziak trukatzea

Euskaltegiek eginiko balorazio kritikoak eta aldaketak jaso

HABErekin eta beste euskaltegiekiko koordinazio didaktikoa

• Matrikulazioa

• Matrikulazioari buruzko informazioa. Aurrematrikula

Irakaskuntzaren eskaintzari buruzko informazioa (euskaltegiak, irakasleak)

Euskaltegien benetako eskaintza

• Matrikulazioa erraztu, bai euskaltegietan, bai EGAren kasuan

• Indikatzaileak eta ebaluazioa

• Ebaluazio hezigarria, sumatiboa eta autoebaluazioa

Irakasleen eta ikasleen hustirapenen ebaluazioa

Emaitzen ebaluazioa

Ebaluazio hezigarria: egindakoa eta hobetu beharrekoa

Autoebaluazioa bultzatu

• Jardueraren indikatzaileak

Irakasleen satisfazio mailaren eta iritzien bilketa

Ikasleen satisfazio mailaren eta iritzien bilketa

• Argitalpenak

• Formato elektronikoak argitaratu

HABEren aldizkariak eta beste batzuen berri eman

Formato elektronikoaz argitaratzen diren aldizkarien eskaintza

Artikuluen eta argitalpenen kudeaketa

• Irakurleekiko harremanak

Irakasleek eta ikasleek eginiko ebaluazioa

Iradokizunen hobekuntza

• Egileekiko harremanak

Artikuluen bilketa eta zuzenketa

• Didaktika on-line

• Ikaskuntzaren denborak errentabilizatu eta malgutu
• Kontsultetarako bidea HABE, euskaltegi eta irakaslearen artean
• Autoikaskuntza-sistemak bultzatu

HABE

• HABE eta euskaltegien arteko harremanak

• Euskaltegien datuak: feedback arina eta eguneratua
• HABE eta euskaltegien arteko komunikazio informatikoa hobetu
• Posta elektronikoaren bidez HABE, euskaltegiak eta irakasleak lotu
• Agiri administratiboen eta didaktikoen kudeaketa bizkortu
• Dirulaguntzen eskariak bideratzeko euskarri informatikoa
• Euskaltegien beharrak antzeman eta teknologia berrietan oinarritutako sistemak bultzatzeko baliabideen banaketa berraztertu
• Euskaltegien satisfazio maila jaso

• Liburutegia

• Kontsulta on-line eta maileguen kudeaketa

Liburutegi birtuala: katalogazioa, bilaketa, maileguak, etab.

Liburuen eta argitalpenen eskariak bideratu

Argitalpenei buruzko informazioa eta sarbidea

Jasotako azkenen berri eman

• Liburutegiaren hobekuntza

Bezeroen beharrizanetara egokitu: katalogoak, ordutegiak, maileguak

Beste liburutegien argitalpenei buruzko informazioa