Ikas-materialak eta autonomia

Didakteka(e)tik
Hona jo: nabigazioa, bilatu
Ikas-materialak

Irakasleak autonomizatze-prozesuari eragiteko proposa litzakeen hainbat jarduera zerrendatuko ditugu (Villanueva, 1997:63):

  • Ikasgelan sarri-sarri ikaskuntza nola gertatzen ari den aztertzeko uneak tartekatzea.
  • Ikas-estrategia ezberdinak ugaritzen lagun dezaketen jarduerak eskaintzea.
  • Ikasleen ikas-estrategiak ikertu eta horiei buruz hausnarketa bultzatzea.
  • Ikasleek beren ama-hizkuntzan darabiltzaten estrategia diskurtsiboei buruz hausnarketa egitera bultzatzea.
  • Arau linguistiko eta diskurtsiboak induzitzera bultzatzea.
  • Kurrikulua gauzatzean irizpide prozesualak , integratzaileak eta interaktiboak erabiltzea.
  • Beharrak eta helburuak zehazte aldera, taldekako eztabaidak bultzatzea
  • Ikasleei beren ikas-prozesuari buruzko egunkaria eramatea proposatzea.
  • Ikas-materialen aukeraketari buruz erabakiak hartzera bultzatzea eta irizpideak argitzera animatzea.
  • Etengabeko auto-ebaluazioa gertatzeko prozedurak aplikatzea eta ikasleek auto-ebaluaziorako froga eta irizpideak sortzera bultzatzea.
  • Erroreak kontzeptualizatzeko eta auto-zuzenketarako teknikak erabiltzea.
  • Ikasleekin elkarrizketak eta tutore-saioak egitea.
  • Ikasten ikastearen inguruko aurrerapena sarri-sarri ebaluatzea.

Bibliografia

  • VILLANUEVA, M.L. (1997): “Estilos cognitivos y estilos de aprendizaje. Autonomía y aprendizaje de lenguas” in M.L. Villanueva eta I. Navarro (ed.): Los estilos de aprendizaje de lenguas. Publicacions de la Universitat Jaume I, Col·lecció Summa, Série Filológia nº 16