Prozesua eta produktua
| Irakurmenaren didaktika |
Irakurketaren baitan bi alderdi bereizten dira:
- Ulertze-ekintza: prozesua
- Ulertutakoa: produktua
Produktuaz aparte, prozesuaz ere kezkatu beharra dago, eta horrela, irakurri bitartean zer gertatzen den eta zer egin behar den aztertu behar da. Horretarako, ikasleen irakur-estrategiak ikertzea funtsezkoa izango da.
Irakur-estrategia edo estrategia kognitiboen erabilera, beraz, ezinbestekoa izango da ulermena gertatu ahal izateko. Estrategiak irakurleak testua ulertzeko erabiliko dituen buru-eragiketa kontzienteak nahiz inkontzienteak izango dira. Adibide gisa ondorengoak ditugu: skimming-a, scanning-a, irakurketa kritikoa, hitzak inferitzea...
Hala ere, ikasleak irakur-estrategiak modu eraginkorrean erabili ahal izateko, azpimarratu behar dugu, hitzen atzemate automatikorako estrategiak eta ezagutza lexikal eta gramatikalak oso inportanteak izango direla.
