Quintura, etiketa bidezko bilatzailea

Quintura tag edo etiketetan oinarritutako web 2.0 garaiko bilatzailea da

Quinturak edozein terminoren inguruan sarean zer dagoen adieraziko digu. Ohiko bilatzaileen kasuan ez bezala, bilaketa ez da irizpide estatikoen araberakoa izango, ordea. Bilatzeko hitz bat idatzi eta horren inguruko etiketa-lainoa azalduko zaigu web 2.0 motako bilatzaile hau erabilita. Bertan nabarmenduko da idatzitako hitzarekin tag-en bitartez lotutako hitz-multzoa. Hoiretako bakoitzean klik egindakoan, bilaketaren emaitza zehatzagoa lortuko dugu.

Etiketa-lainoaren azpian izango ditugu ohiko bilatzaile batek emango lizkigukeen emaitzak. Hauek aldatu egingo dira etiketa-lainoan termino bat edo beste bat aukeratzen dugunean.