Ikasteko objektuak
Definizioa
Ikasteko objektua (learning objects) berezko esanahia duen eduki-unitate txikiena da (autoedukia). Hezkuntza-helburu bakar bati dagokio edo kontzeptu bakarra garatzen du.
Hona hemen ikasteko objektuen hainbat ezaugarri:
- Mikro-unitate didaktikoen bidez hezkuntza-helburu bakarra lortu ahal izateko informazioa aurkezten du. Unitate hauek ondoko alderdiak dituzte: edukiak, baliabideak, jarduerak eta ebaluazioa.
- Beste testuinguru batzuetara eraman daitezke, berri ere erabil daitezkeelako (berrerabilera).
- Ikaskuntza esanguratsurako garrantzizkoa da ondorengo ezagutzetarako euskarri izango dena.
- Teknikoki edozein formatu eta euskarrirekin bateragarriak dira.
- Metadatuen bidez identifika daitezke.
- Ikasleen egoera eta behar espezifikoei egokitzeko modukoa
- Aldaketa teknologikoen aurrean iraungo duena, berriz dideinatu edo kodea aldatzeko beharrik izan gabe.
Laburdurak
- IO = Ikasteko objektua
- OA = Objeto de Aprendizaje
- LO = Learning Object
- RLO = Reusable Learning Object
Estandarizazioa
Sagarnak dioen moduan, ikasteko teknologiek izandako bilakabidean zehar bakoitzak bere erara jokatzen zuen eta denborarekin, teknologia aurreratu ahala, sortzen zen materiala erabili ezinda geratzen zen. ZX Spectrum edo Commodore haientzat egindakoa ezin zuten PCek erabili, esate baterako.
Arazo hori konpontzeko, hegazkingintzako sektoreak batzorde bat sortu zuen: Aviation Industry CBT Committee (AICC) izenekoa eta horrek sortu zituen AICC izenaz ezagutzen diren arauak. Gaur egun merkatuan dauden LMS gehien-gehienek betetzen dituzte arau horiek.
Gaur egun, estandar ezagunena SCORM (Sharable Content Object Reference Model) izenekoa da, AICC bere baitan hartzen duena.
Objektu biltegiak
Ikasteko objektuak biltzeko web guneak dira. Hona hemen biltegi nagusietako batzuk:
Bibliografia
- Andoni Sagarna: Ikasteko objektuak
